
madamu lang sg naga ka hitabo sa akun kabuhi
nga asta sa akun pagtulog ginahandum ko nga ikaw ari
sa akun luyo, nagapamati kag nagakaham-ot
sa tanan ko nga katontohan,
sa akun nga kabigaan sa akun pagpanglugayawun sa iban nga lugar
sa akun nga mga maayo nga n mga abyan, nga imo sila tani nakilal-an
kag sa akun pagyuhum nahibaluan ko nga ikaw ara guid permi
sa akun luyo, nag gabay sa akun sa matag-adlaw nga tanan
kag sa dili madugay ko nga pagpanumdum
nasubuan ako nga sa pisikal nga aspeto wala guid ikaw sa tuod tuod sa akun nga luyo
indi ta ka mahalukan, indi ko makita ang imo mga mata
indi ko mabatyagan ang imo nga pag kupo sa akun nga kasubo
kag ang akun nga mga luha nagatulo
kag ang akun nga kasing kasing naga singgit sg matalum sa kahidlaw sa imo
ang imo presensya ang akun ginapangita
diin na ang akun nga tatay nga permi lang nagpahanumdum sa akun
sa matag adlaw nga tanan imo gin pabatyag kung daw anu ka matalinghaga ang Ginoo
sa pag hatag nya sa akun sa imo
imo gin pabatyag kung anu mo ako ka palangga kag wala sing may makatupong sina
madamo ako sg pamangkutanun nga naga lagaw sa akun pinsar
apang sin-o na sini ang magasabat
kay ako imo nga gin bilin dire sa duta
sa matag adlaw nga tanan madamo ako sing nahibaluan
madamo ako sang nasugata kag madamo sa akun nga pamangkutanon ang naklaruhan
tay indi ako kblo kung anhun ko ining mga nagakahitabo sa akun subong
pero tay nahibaluan ko nga ara ka lang sa akun luyo kag naga ubay guid sa akun
'tay ihutik sa Ginoo nga gusto ko na guid mag upod sa imo.
No comments:
Post a Comment